شــــعــــر غـــــــــــــــزل

قلت الوداع وجاوبت دمعة العين
تجرح بساتين الخدود النديه
واغضت وشفت بعينها الحزن حزنين
وصاحت على الفرقى انا مو قويه
وجاوبتها ارجوك تكفين تكفين
والله دمعك يشعل النار فيه
وقالت تعاهدني عهاد المحبين
الله يخون اللي يخون بخويه
قلت ابشري واللي خلقت لاتظنين
حرام ماغيرك عشقت ادميه
وقصت شعرها قلت انا وش تسوين
قالت ابي من غرتي لك هديه
ونادتني الغربى على الهم والبين
احسب الايام روحه وجيه
وفي كل ليله ترتسم بين رمشين
خيالها بين الرموش الشقيه
غربة سنه في ذمتي غربة سنين
متى على الله يلتقي الحي حيه
خلاص هانت مابقى غير يومين
خلاص انتهت غربة جرهديه
ورجعت شوقي في خفوقي براكين
ورجعت اناكلي لها جاذبيه
وسالت ماردوا وانا اصيح هيه وين
وكلن نثر من العين ميه
وفي معمعة حزني تلقيت رمحين
قالوا توفت غافلتها المنيه
وفي غرغرتها ماذكرت غير حرفين
تشهدت باسمك شفات البنيه
وتزاحمت في داخلي الف سكين
والحزن يطويني ثمانين طيه
صدمه وجابتني على الارض نصفين